РЕКОРД: Турција има инфлација каква немала досега
Објавено во: Економија 03 Ноември, 2022
Инфлацијата во Турција урива рекорди, а во октомври таа надмина 85 отсто.
Инфлацијата расте 17-ти месец по ред во октомври, достигнувајќи 85,5 отсто на годишно ниво. Се зголемија цените на храната и енергијата, покажа денеска официјалната статистика. Потрошувачките цени имаат месечен раст од 3,54 отсто.
Цените на храната во Турција минатиот месец биле за 99 отсто повисоки отколку во октомври 2021 година, трошоците за домување скокнале за 85 отсто, а транспортот за 117 отсто.Лирата денеска мируваше во однос на доларот и се тргуваше по 18,61 за долар. На годишно ниво валутата изгуби повеќе од 28 отсто од вредноста во однос на доларот, а во 2021 година падна за скоро 50 отсто. Неколку години по ред турската лира доживува подеми и падови.
foto freepik.com/Utku Demirsoy