Рекордно позитивно мислење на граѓаните од ЕУ за користа од членството

Добивај вести на Viber

Поддршката за членство во Европската унија е во пораст, објави анкетата на Евробарометар спроведена во септември. Членството на нивната земја во Унијата е позитивно оценета од 62 отсто од Европејците, што е највисок процент во последните 35 години. 

Во исто време, 68% од испитаниците во Европа проценуваат дека членството во ЕУ е генерално корисно за нивната земја. Ова е највисоко позитивно мислење од 1983 година.

Поддршката за ЕУ на европско ниво расте од јуни 2016 година, кога Британците одлучија да ја напуштат Унијата преку референдум и од тогаш се зголемува свеста за придобивките од членството во оваа економско-политичка заедница.

Повеќето луѓе во сите земји-членки повторно би гласале за членство во нивната земја во ЕУ; односно 66 проценти од испитаниците одговориле потврдно на ова прашање. Во просек, 17% би размислиле за напуштање на Унијата и 17% немаат дефиниран став.

Сепак, друи 40 отсто од Европејците ине се задоволни од насоката по која се движи заедницата.

Истражувањето беше спроведено во сите 28 земји-членки на ЕУ од 8 до 26 септември. со учество на  27.474 Европејци на возраст од 16 години или повеќе.