Добивај вести на Viber
Францускиот автомобилски производител Рено планира да го зголеми својот удел на пазарите во развој со лансирање на два евтини модели, вклучувајќи и конкурент на „Tata Nano“-засега најевтиниот автомобил на светот, пишува францускиот портал „Latribune“.
Возилата ќе бидат развиени во соработка со Нисан и ќе треба да излезат на пазарот пред крајот на 2014 година. Првиот од нив, кој ќе конкурира на „Tata Nano“, ќе чини околу 3 000 евра, а вториот - околу 5 000 евра.
Возилата ќе се произведуваат во фабриката на групацијата Рено-Нисан во Индија и нема да се нудат на пазарите во Европа, посочува француското издание.
Ако информациите на „Latribune“ се покажат точни, моделите на романскиот бренд Дачиа веќе нема да бидат најдостапните автомобили на групацијата Рено-Нисан, посочуваат аналитичарите.