Република Српска ќе ја испорача својата фактура до Сараево?
Објавено во: Балкан 11 Март, 2019
Како е можно 500 километри од Република Српска да важат некои други меѓународни правила за истите или слични општествено политички околности, вели претседавачот на Претседателството на Босна и Херцеговина, Милорад Додик.
„Тоа се прашања на кои ќе мора да се одговори. Или молчењето на меѓународната заедница на косовската платформа е сигнал и до Република Српска дека е доволно еднострано да состави список на убави желби и да ги фактурира во Сараево?“, изјави Додик.
Тој кажа и дека Приштина ставила точка на преговорите со Белград со усвојувањето на платформата за дијалогот за сеопфатен и обврзувачки договор за нормализација на односите на Приштина и Белград.
„Нема да има решение за прашањето на јужната српска покраина сѐ додека во тоа решение не биде и Србија со своите историски, национални, политички и сите други интереси. Косовските Албанци со тој документ, односно со барањата во тој документ, ставија точка на какви било преговори и договори“, кажа Додик.
Тој изјави денес дека косовското прашање никако не може да се одвои од прашањето на Република Српска и БиХ и оцени дека косовската платформа за дијалогот за нормализација на односите на Приштина и Белград е список на желби на едната страна.Србите во Босна и Херцеговина се крајно незадоволни од заедничкиот живот и тоа е пичина Република Српска да се одвои, изјави претходно Тимоти Лес, поранешен дипломат и директор на Британскиот аналитичкиот центар „Нова Европа“.