Рикаловски: Интернетот зема се поголем замав во информирањето
Објавено во: Економија 05 Септември, 2018
Телевизијата е најчесто користен медиум од граѓаните за информирање ако се анализира волуменски вели Владо Рикаловски сопственик на Друштвото за истражување на јавно мислење и консалтинг Gauss Poll „Гаусс Полл“ за Фактор.
Сепак, тука се и радиото и печатените медиуми, но сепак, во последните години интернетот се повеќе го зема приматот како начин на информирање.
Во интервјуто за Фактор Рикаловски посочува дека истражувањата покажале оти 50 отсто од луѓето од сите возрасти, се изјаснуваат дека најпрво посегнуваат по интернет кога сакаат да се информираат.
„Секако, постојат генерациски разлики каде што помладите многу повеќе се информираат преку интернет или 61 отсто од популацијата до 45 години од таму ги црпи информациите. До 55 години, процентот е 47 отсто, додека кај постарите или луѓето кои се над 55 години, само 27 отсто примарно се информираат преку интернет, односно за нив останува телевизијата како клучно средство за информирање. Заклучокот е дека интернетот се доближува до телевизиајта постојано и скоро и да се изедначени. Но дали се менуваат навиките? Да, кај постарите групи, но не се менуваат толку многу колку што младата популација влијае на агрегатниот процент кога зборуваме за интернетот како средство за информирање“, вели Рикаловски.
Коментирајќи ја публиката на Фактор тој вели дека Фактор се издвојува на онлајн просторот во Македонија во повеќе параметри и е над просекот кога станува збор за неговите читатели, особено во категориите на публика која сака да купува преку интернет, има високо образование и приходи над 30 илјади денари.
Целото интервју читајте го тука.