01 Декември, 2020
0.0200

РКЕ: Компаниите не доставија анализи зошто бараат зголемување на маржите за нафтените деривати

Објавено во: Економија 29 Октомври, 2020

Регулаторната комисија за енергетика и водни услуги на Република Северна Македонија (РКЕ) ја известува јавноста дека пред да биде донесена Одлука за густини и маржи на нафтените деривати во текот на месец август од страна на поголемите трговци беа доставени одделни барања за промена за зголемување на маржата кај одделни нафтени деривати. 

„Единствена причина поради која беа поднесени барањата за зголемување на маржата е за да им се врати ликвидноста која им е ослабена поради намалената потрошувачка на нафтените деривати. Од страна на компанијата Макпетрол АД Скопје беше доставена споредбена анализа за трендот на потрошувачката од првите месеци од 2020 во споредба со истиот период од 2019 година. Од страна на другите компании немаше доставено анализа, само доставија барање за зголемување на маржата кај одделни нафтени деривати. РКЕ ги разгледа сите барања и согласно своите законски надлежности закажа консултативен состанок со сите баратели во август 2020 година. На состанокот беа дискутирани барањата и од страна на РКЕ на компаниите им беше побарано да се достават анализи кои ќе ги поткрепат нивните барања. До моментот на носење на одлуката, анализи не беа доставени. Инаку, со донесената Одлука за густини и маржи на нафтените деривати се отсликува реалната состојба на пазарот на нафтени деривати и доколку РКЕ постапеше по барањата на трговците за зголемување на маржата, тоа ќе значеше зголемување на малопродажните цени на нафтените деривати во износ од над 2 денари по литар. Во однос на енергетските компании кои се во делот за електрична енергија Ве информираме дека на одржаниот координативен состанок меѓу другото дискутиравме и за финансиската состојба и од последните доставени шест месечни извештаи до РКЕ се регистрираат негативни резултатите од работењето, иако компаниите со максимални напори настојуваат тие загуби колку е можно да бидат помали. Факт е дека поради пандемијата последиците се рефлектираат и во економските биланси. За санирање и амортизација на последиците, во однос на антикризни мерки ве упатуваме кон креаторот - Владата на РСМ“, стои во реакцијата. 

Велат дека остануваа отворени за соработка во рамките на нивните надлежности и во моментот кога и доколку стигнат анализи, повторно од страна на РКЕ ќе биде разгледано ова прашање и ќе се донесе соодветна одлука. 

Можеби ќе ве интересира

Министерството за економија ќе ги испрати до Влада предлозите за недела како неработен ден

Министерството за економија ќе ги испрати до Влада предлозите за недела како неработен ден

И ВО КОВИД ПАНДЕМИЈА РАБОТОДАВАЧИТЕ МОРА ДА ИСПЛАТАТ К-15: За 2020 регресот за годишен одмор над 10.000 денари

И ВО КОВИД ПАНДЕМИЈА РАБОТОДАВАЧИТЕ МОРА ДА ИСПЛАТАТ К-15: За 2020 регресот за годишен одмор над 10.000 денари

Извршителите наплатиле од државата рекордни 22 милиони евра

Извршителите наплатиле од државата рекордни 22 милиони евра

Странските инвестиции повторно во минус, има ли плафон за цехот од кризата

Странските инвестиции повторно во минус, има ли плафон за цехот од кризата

Колку години ќе постат акционерите на најголемиот производител на сувомесно?

Колку години ќе постат акционерите на најголемиот производител на сувомесно?

КРИЗАТА ГО ЗЕМА ДАНОКОТ: Се намалил бројот на работници во индустријата

КРИЗАТА ГО ЗЕМА ДАНОКОТ: Се намалил бројот на работници во индустријата

Доларот паѓа, повеќе не е водечка валута во светот

Доларот паѓа, повеќе не е водечка валута во светот

НОВИ 15.000 ЛУЃЕ БЕЗ РАБОТА: Зошто се зголеми невработеноста?

НОВИ 15.000 ЛУЃЕ БЕЗ РАБОТА: Зошто се зголеми невработеноста?

Јагнешко, ајвар, сирење од Македонија во маркетите Лулу во Катар

Јагнешко, ајвар, сирење од Македонија во маркетите Лулу во Катар