Родителите на учениците кои се запишуваат во скопската гимназија „Орце Николов“ на протест пред Влада

Добивај вести на Viber

Родителите на учениците кои се пријавиле во јунскиот уписен рок во скопската гимназија „Орце Николов“ излегоа на протест пред Владата затоа што не сакаат нивните деца вонредно да полагаат квалификациски тестови.

За упис во ова среднио училиште има убедливо најголем интерес кај новопечените средношколци во цела Македонија и за слободни 285 места се пријавиле дури 330 ученици со сите петки, односно со максимален успех во основните одделенија. Токму поради тоа Министерството за образование мораше да воведе некаков критериум за нивна селекција и решението падна на квалификациско тестирање, што не им се допадна на родителите.

- Сигурен сум дека владини претставници ќе ги примат родителите на состанок, а потоа за донесените заклучоци од средбата ќе биде навремено известена јавноста - рече Мухамед Хоџа, портпаролот на Владата.

Токму поради тоа, ова средно училиште ќе биде единственото кое ќе воведе полагање на квалификационен тест за да се направи селекција. Ваквиот критериум се во ведува за прв пат после многу години.

Пред два дена беше донесена одлука тестирањето да се спроведе во петок, откако ќе се направи ранг листа, и на наставнички совет ќе се утврди фактичката состојба. Учениците со сите петки во петок ќе полагаат македонски јазик и математика, а тестовите ќе ги прави Министерството за образование и наука заедно со Бирото за развој на образованието. Резултати ќе се објават истиот ден.