Романија во тридневна жалост за загинатите жртви од дискотеката во Букурешт

Добивај вести на Viber

Романија објави тридневна жалост за загинатите во синоќешниот пожар во ноќен клуб во Букурешт, што е најголемата трагедија во последните години во земјата. Жалоста започнува од денес.

27 лица загинаа, а околу 200 беа повредени во инцидентот. Повеќето од жртвите и повредените се млади луѓе и тинејџери.

Романскиот претседател Клаус Јоханис изјави дека е шокиран од трагедијата. "Јас сум шокиран и длабоко не растажи од трагедијата што се случи вечерва во центарот на градот. Тоа е многу тажен момент за нашата нација ", напиша претседателот на страницата на социјалната мрежа Фејсбук.

Тој изрази сочувство до семејствата на загинатите и повредените и ги увери дека ќе добијат целосна поддршка од "оние кои учествуваат во спасувањето".

[button color="orange" size="medium" link="http://faktor.mk/2015/10/31/video-foto-18-eksplozija-vo-klub-vo-bukuresht-nastradaa-26-mladi-litsa-povredeni-nad-180/" target="blank" ](ВИДЕО-ФОТО 18+) ЕКСПЛОЗИЈА ВО КЛУБ ВО БУКУРЕШТ: Настрадаа 26 млади лица, повредени над 180![/button]

17 од 27-те жртви загинаа во пожарот за време на концерт во ноќен клуб во Букурешт, се уште не се идентификувани, објавија романските медиуми. Повеќето од младите кои биле на концертот на метал групата Goodbye to Gravity, не носеле документи за лична идентификација.

Властите не посочуваат каква е националноста на идентификуваните жртви или повредени. Претходно беше објавено дека меѓу загинатите и повредените има и странци.

Како што соопштивме претходно експлозија на пиротехнички средства употребени за време на концертот, предизвика силен пожар во клубот "Колектив", кој се наоѓа на подземен кат во зграда во центарот на главниот град на Романија. 27 лица загинаа, а 142 остануваат во болниците во кои се прифатени.