Русија ги запре испораките на гас за Полска

Добивај вести на Viber

Годишното снабдување на Полска од Гаспром е 10,2 милијарди кубни метри, што покрива околу 50 отсто од националната потрошувачка. Варшава претходно соопшти дека нема да има потреба да ги користи своите резерви и дека складиштето за гас е исполнето 76 отсто.

Русија ја прекина испораката на гас за Полска, објави во средата Ројтерс, цитирајќи податоци од мрежата на оператори за пренос на Европската унија (ENTSOG). Меѓутоа, откако испораките на гас паднаа на нула, снабдувањето продолжи, пренесува The Guardian. Протоците на физички гас низ гасоводот Јамал-Европа од Белорусија до Полска беа 3.449.688 kWh/h во 6:22 часот по средноевропско време (4:22 GMT), додаваат тие.

Уцена за Европа?

„Газпром“ претходно најави дека ќе ја прекине испораката на гас за Полска и Бугарија бидејќи тие не плаќале за гас во руски рубљи, како што е наведено во претходно издадениот указ на рускиот претседател Владимир Путин. Полска и Бугарија одбија, бидејќи тоа не е наведено во нивниот првичен договор со рускиот енергетски гигант. Украина ја обвини Русија дека ја уценува Европа поради енергетиката со цел да ги скрши своите сојузници во времето на руската офанзива во Донбас. Полска бара најстроги санкции против Русија од почетокот на руската инвазија на Украина, а најголемиот дел од бегалците од Украина штотуку го најдоа својот спас во Полска. 

Годишното снабдување на Полска за Гаспром е 10,2 милијарди кубни метри, што покрива околу 50 отсто од националната потрошувачка. Варшава претходно соопшти дека нема да има потреба да ги користи своите резерви и дека складиштето за гас е исполнето 76 отсто. Испораките од други правци ќе ги заменат оние на Гаспром, изјави полскиот министер за енергетска безбедност Пјотр Наимски, додавајќи дека договорот со Јамал завршува во декември. 

„Гасниот систем на Полска е избалансиран и клиентите можат да се чувствуваат безбедно“, рече Наимски, кој е речиси целосно зависен од увозот на руски гас. 

Од бугарското Министерство за енергетика посочуваат дека презеле чекори за обезбедување на алтернативно снабдување со гас и дека во моментов нема потреба од ограничување на потрошувачката на гас. Нивниот премиер Кирил Петков најави дека оваа недела ќе го посети Киев.