Русија го демонстрираше најмоќниот нуклеарен мразокршач
Објавено во: Економија 24 Септември, 2017
Во руското пристаниште Санкт Петерсбург беше демонстриран „Сибир“ најмоќниот нуклеарен мразокршач со два нуклеарни мотори со потенцијал од 175 мегавати. Импозантниот брод ќе плови по Северно-ледениот океан и ќе го пробива патот за танкери и товарни бродови во најострите временски услови.
„Сибир“ е втор од вкупно трите планирани нуклеарни мразокршачи покрај „Арктика“ и „Урал“ кои во наредните 3 години ќе бидат ставени во целосна употреба со што ќе се засили присуството на Русија на Северниот пол, а ќе се пробиваат рути за достава на гас и добра до Азија.
Нуклеарниот мразокршач „Сибир“ ќе има посада од 75 морнари, долг е 173,3 метри, има висина од 34 метри, како и носивост од 33,500 тони.