РУСИЈА НАРЕДИ: Турција под итно да го уапси убиецот на рускиот пилот!
Објавено во: Свет 31 Декември, 2015
Москва денес ја повика Анкара да ги уапси бунтовниците кои го убија рускиот пилот, од авионот кој беше срушен од страната на турските ловци на сириската граница.
„Бараме турските власти под итно да преземат чекори за апсење на Алпарслан Челик и неговите соучесници во убиството на рускиот пилот.” – рече портпаролот на министерството за надворешни работи Марија Захарова.
Челик е бунтовник од редовите на туркменскиот народ во Сирија и државјанин на Турција, кој во неделата во интервју за турскиот весник "Хуриет", изјави дека "не може да има грижа на совест, за човек кој секојдневно ги бомбардира туркменистанските цивили", мислејќи на убиениот руски пилот.
Двајцата пилоти на соборениот авион СУ-24 се катапултираа, но едниот од нив додека се спушташе со падобранец, бунтовниците го застрелаа и го убија.
Од соборувањето на рускиот авион, односите меѓу Русија и Турција се се повеќе заострени.