РУСИТЕ ГО МЕНУВААТ ПЛАНОТ: Од каде милиони за Турски тек?
Објавено во: Економија 21 Септември, 2017
Водечкиот руски произведувач на гас Гаспром може да ги зголеми средствата за финансирање на проектот за изградба на гасоводот Турски тек за 863 милиони долари во 2017 година.
„Измените во инвестиционата програма за 2017 година, кои ќе ги разгледа Бородот на директори подразбираат зголемување во вложувањата за реализација на проектот Турски тек за околу 50 милијарди рубљи“, рекол извор од информативната служба на Гаспром за агенцијата Тас.
Гаспром претходно планирал инвестициите во тој проект во 2017 година да бидат на ниво од 41,92 милијарди рубљи (694,21 милион долари).
Управата на Гаспром на 14 септември одобрила ревидирани нацрти од инвестициониот програм, буџет (финансиски план) и програма за оптимизација на трошоци за 2017 година.
Во согласност со ревидираниот нацрт на инвестициона програма за оваа година, износот на вкупни вложувања на Гаспром во оваа година ќе изнесуваат 1,13 илјади милијарди рубљи (19,4 милијарди долари) што е зголемување од 23,9 отсто во однос на планот кој бил одобрен во декември 2016.
Проектот Турски тек предвидува изградба на гасовод преку Црвеното море до европскиот дел на Турција и понатаму до границата со Грција.
Делницата од гасоводот која ќе оди по дното на Црното море ќе биде долга 910 километри, а дел преку територијата на Турција ќе се протега 180 км. Гаспром на 7 мај оваа година почнал со изградба на поморска делница на гасоводот Турски тек од рускиот брег на Црното море.
Првата линија е наменета за испорака на гас за турскиот пазар, а другата за снабдевање со гас на Јужна и Југоисточна Европа. Секоја линија од гасоводот ќе има капацитет од по 15,75 милијарди кубни метри гас годишно. Вкупните трошоци на проектот се проценуваат на 11,4 милијарди евра (12,98 милијарди долари).
Можеби ќе ве интересира
ИНВЕСТИЦИЈА ОД 720 МИЛИОНИ ЕВРА ВО ГОРИВО НА ИДНИНАТА: ЕУ инвестиција, а две европски земји го земаат најголемиот дел од колачот
ПО ПРВИОТ БРАН ОТКАЗИ: Дали Тесла подготвува нов круг отпуштања, уште поголем?
ЕВЕ КОИ АВИОКОМПАНИИ СЕ ПОД ЛУПА: Европската асоцијација за заштита на потрошувачите пријавила 17 фирми до ЕК
Гаспром забележа нето загуба од 6,4 милијарди евра во 2023 година, прва во последните 14 години
НОВ СКОК НА ЦЕНИТЕ НА ХРАНАТА ВО АПРИЛ - најскапо месото
ПАДНА СПОГОДБА - Џонсон и Џонсон ќе плати 6,475 милијарди долари по многубројните тужби за добиен рак од нивната пудра
„ПЛАТАТА НА КЕЛНЕРИТЕ ВО ХРВАТСКА 1.200 ЕВРА, ВО АВСТРИЈА 3.000 ЕВРА“: ќе работат само луѓе од трети земји
„Да се напушти вештачкото надувување на капиталните инвестиции“: еве што велат економистите за изборните ветувања на партиите
ПОРАДИ КЛИМАТСКИТЕ ПРОМЕНИ: Колку маслиново масло произведува Шпанија?
