РУСИТЕ СО ПОДДРШКА ЗА СРБИТЕ: Какво решение за Косово ќе прифатат?
Објавено во: Балкан 13 Август, 2018
Портпаролката на руското Министерство за надворешни работи, Марија Захарова вели дека Русија ќе го прифати секое решение за Косово, кое ќе биде прифатливо за српскиот народ.
Таа го соопшти ставот на Русија околу поделбата на Косово.
„Она што ќе биде прифатливо за српскиот народ околу ова прашање, тоа со почит ќе биде прифатено од наша страна. Но, прашањето е - дали ова е корисно и што ќе биде корисно за народот во Србија“- изјави Захарова за РТС.
На прашањето дали претседателите на Русија и на САД, Владимир Путин и Доналд Трамп разговарале за Косово, Захарова одговори дека по последната нивна средба била објавена таква инфромација, која, според неа, е лажна вест.
Захарова деновиве беше во посета на Србија.
Во последно време се зборува за размена на територии или корекција на границата меѓу Косово и Србија.
Министерот за надворешни работи на Србија, Ивица Дачиќ, денеска изјави дека разграничувањето со Косово е само идеја и дека за поконкретни предлози и за компромисно решение би се разговарало во септември.