Руските служби убија терорист на ИСИС кој спремал атентат за изборите
Објавено во: Свет 01 Февруари, 2018
Руската служба ФСБ соопшти дека ликвидирала терорист на ИСИС кој според нивните сознанија подготвувал атентат за време на претстојните пролетни избори за претседател на Руската Федерација.
Акцијата на ФСБ е изведена во градот Нижни Новгород, а терористот потекнува од соседна земја на Русија. Осомничениот отворил оган врз тимот на специјалци кои се упатиле да го уапсат по што му возвратиле и смртно го застрелале.
Досегашната истрага укажува на сомнение дека осомничениот терорист подготвувал голем напад на 18 март кога ќе се одржат руските претседателски избори.