САД со буџетски дефицит од 120 милијарди долари

Добивај вести на Viber

Буџетскиот дефицит на САД во октомври се зголеми на на 120 милијарди долари или за 22 проценти во однос на истиот месец лани, соопшти Министерството за финансии во Вашингтон. Потрошувачката во октомври е зголемена за 16 проценти на 304,3 милијарди долари, додека приходите се зголемени за 13 отсто на 184,3 милијарди. Октомври, кој е првиот месец од фискалната година во САД, традиционално бележи дефицит на буџетот, кој сепак годинава ги надмина очекувањата на аналитичарите кои предвидуваа максимален дефицит од 113 милијарди долари. Буџетскиот дефицит на САД во фискалната 2012 година, заклучно со септември, беше намален на 1,1 билион долари или седум проценти од бруто домашниот производ (БДП). За идната година се планира тој да падне под еден билион долари, што ќе биде за првпат во последните пет години и ќе изнесува 991 милијарда долари или 6,1 отсто од БДП-то.