Самка Ибраимовски доби заменик директорско место, Деспотовски оди во Дирекцијата за зони
Објавено во: Македонија 11 Ноември, 2020
Јован Деспотовски, досегашниот директор на Фондот за иновации е назначен за в.д директор на Дирекцијата за технолошко индустриски развојни зони.
На негово место на вчерашната владина седницва како што објавиве е назначен Костадин петров. На седницата се направени и некои други кадровски промени.
Владата му препорача на Управниот одбор на Јавното претпријатие за одржување и заштита на магистралните и регионалните патишта „Македонија пат” - Скопје да го избере Самка Ибраимовски за в.д. заменик директор.
Има промени во Државниот просветен инспекторат од каде е разрешен Томе Спировски а Ардиан Муслиу е именуван за в.д. директор на Државниот просветен инспекторат.
Марјан Спасовски е именувам за в.д. директор на Управа за извршување на санкции. Кадровски промени има во затворите. Александар Донев е разрешен од должноста вршител на должноста директор на Казнено поправен Дом Идризово со отворено одделение во Велес, а на негово место е именуван Јовица Стојановиќ.
Владата информираше дека ја прифати оставката на Јовица Стојановиќ и го разрешила од должноста директор на Управата за извршување санкции, на негово барање.