Санторини повторно светна

Добивај вести на Viber

Се врати струјата на грчкиот остров Санторини. Државната електрокомпанија ДЕИ денеска јави дека снабдувањето со електрична енерегија е обновено откако пред една недела се случи голем дефект во мрежата. Како што пренесоа грчките медиуми, сега се обезбедени 40 мегавати за покривање на потребите на островот или за девет мегавати повеќе отколку пред хаваријата. Пожарот кој избувна во електростаницата во главниот град на островот, Фира, уништи голем дел од опремата. Островот беше 24 часа беше во темница, а  шест дена државната електрокомпанија работеше на поправка на дефектот. За да биде проблемот поголе, хаваријата се случи среде туристичката сезона додека 120.000 туристи се присутни на најпознатиот грчки остров, но според тврдењата на надлежните немало откажани резервации во последната недела. Компанијата се извини за сериозните проблеми, предизвикани и за жителите и за туристите, и објасни дека оштетувањето било незабележено досега според големината и техничката сложност. Медиумите пишуваат дека властите во последните години не направиле ништо за модернизирање на мрежата за пренос на струја.