Добивај вести на Viber
„Инвестиции на дијаспората во Полошкиот регион“ е тема на конференцијата „Дијаспора Инвест“ што ќе се одржи во Ректоратот на Универзитетот на Југоисточна Европа во Тетово.
На конференцијата треба да се обрати и министерот за економија Ваљон Сарачини.
Македонската Влада подолго време се обидува да ги привлече иселениците да инвестираат во Македонија. Според официјалните статистики, изминатиот период од дијаспората годишно се слеваат околу милијарда евра годишно, иако анкетите покажуваат оти најверојатно уште толку влегуваат по неформални канали.
Сепак, најголем дел од тие пари не се во форма на директни инвестиции, туку од приватни дознаки од странство. Овие пари сочинуваат 10% од БДП.
Годинава се очекуваат првите инвестиции од капиталниот инвестициски фонд што го формираше дијаспората за вложување во македонското стопанство. Според последните податоци, објавени во октомври лани, во Фондот беа собрани околу три милиони евра, а предвидено е да се соберат 15 милиони.