Сараево е полно со мигранти, „врие“ од Сиријци, Авганистанци, Ирачани
Објавено во: Балкан 14 Мај, 2018
Последниот месец на подрачјето на кантонот Сараево пристигнале поголем број мигранти од Сирија, Либија, Авганистан, Палестина, Пакистан, Алжир, Мароко, Ирак, Турција, Иран, Тунис и други земји.
Многу од нив секојдневно престојуваат на отворено, без соодветна облека и услови за хигиена, а со малку храна. Според информациите од Заводот за итна медицинска помош некои од мигрантите имаат и тешки заболувања, информираат медиумите во Босна и Херцеговина.
Владата на КС побара од надлежните институции на БиХ во најкраток рок да се евидентираат, но и да им се утврди и статусот на мигрантите.
Претходно, Владата на Република Српска заклучи на седницата, што беше итно свикана, дека на територијата на Република Српска нема услови за згрижување на мигранти.