Сашо Ордановски: Ова мора да заврши со формирање нова Влада

Добивај вести на Viber

Македонија по непријатните инциденти во четвртокот - бевме сведоци на едно типично киевско сценарио, се ова беше организација на тајната полиција и на специјалците кои требаа и да ја чуваат зградата на Парламентот, а исто така беа дел и од лицата со фантомки кои имаа задача да тепаат пратеници, вели Сашо Ордановски за Фактор:

Сепак, операцијата не успеа, напортив се распадна на половина..Тоа предизвика внимателност кај претседателот, кој требаше да распише вонредна состојба.. Реакциите беа жестоки и од домашната и од меѓународната јавност и големиот број на луѓето, можам да кажам дека и голем дел од членството на ВМРО ДПМНЕ се против ваквите крвави сценарија. Секако, после смената на Митко Чавков кој е прв човек на униформираната полиција, после истрагите кои ќе следуваат, ќе стане јасно кој се учествувал во немирите, уште повеќе што има индикации дека дел од луѓето под маските и не биле граѓани на Македонија, но да оставиме истрагата што ќе покаже..

Претседателот Иванов сам себе си се дефакторизираше. Тој имаше уставна улога, но неколку пати го прекрши Уставот. Сите ја одбија неговата идеја за лидерска средба, освен Никола Груевски, претседателот на ВМРО ДПМНЕ. Неговата политичка тежина оддамна е многу мала, а бидејќи Иванов неколкупати го кршеше Уставот, се очекува сега тој да биде ставен на маргините од сите, се разбира освен од ВМРО ДПМНЕ. А, што се однесува до ВМРО ДПМНЕ, претпоставувам дека сега тие пак ќе бидат бучни, но не мислам дека состојабата може да ескалира како што беше во четвротокот..Уште повеќе што ВМРО ДПМНЕ како партија е во длабока криза, бидејќи голем дел од врвот на партијата е заглавен во криминали и најверојатно партијата ќе мора да расчисти со таквите луѓе.

ЕУ засега направи се што требаше, испрати остри пораки кон ВМРО ДПМНЕ, кон Груевски и Иванов, но мене ми се чини дека сега не е се во рацете на ЕУ, туку сега се вклучени и одредени безбедносни структури со регионални интереси и мислам дека резултатот од нивните притисоци сега ќе ја стабилизираат состојбата. Сметам дека целата ова состојба мора да заврши со формирање нова влада..