СДСМ бара мандат, а ВМРО-ДПМНЕ тврди дека Заев е поврзан со мафијашки структури
Објавено во: Македонија 12 Мај, 2017
Од СДСМ велат дека неопходно е веднаш да се одблокираат демократските процеси во Македонија и Ѓорге Иванов веднаш да го даде мандатот за состав на нова влада на претседателот Зоран Заев.
Од партијата наведуваат дека поради блокираните демократски процеси, Македонија се соочува со проблеми кои им штетат на граѓаните и целиот државен систем.
„Таквата блокада ќе кулминира в понеделник кога истекува мандатот на градоначалниците и Советите на општините. Вработени во општините, наставници, ќе останат без плати и надоместоци. Граѓаните не ќе можат да ги добиваат потребните услуги од општините. На тој начин, уште повеќе ќе се усложни ситуацијата во која се наоѓаат граѓаните и Македонија“ - велат од СДСМ.
Оттаму апелираат до сите, вклучително и до Иванов, конструктивно да се вклучат во демократските процеси, да делуваат совесно и одговорно и час поскоро да овозможат мирен трансфер на власта и формирање нова реформска Влада. Додаваат дека нивната програма ја гарантира уставноста.
ВМРО-ДПМНЕ со писмено соопштение ги обвинува СДСМ и Зоран Заев за поврзаност со криминални структури од Македонија.
„Зоран Заев и СДС се во спрега со криминално-мафијашките структури од Македонија и регионот. Медиумите во неколку наврати излегоа со фотографии помеѓу Зоран Заев и други високи функционери на СДС со наркодилери и други криминалци. Шпетин Положани, претседател на здружението на албански политички затвореници во Македонија, во интервју за Шења кажа „Имам евидентирано неколку случаи каде на албански семејства, СДСМ им има ветено дека ако гласаат за нив ќе ги ослободи од различни кривични пријави, дека ќе им дадат некакви си привилегии, ако дојдат на власт“. Положани објаснува дека СДС извршил огромна манипулација кај нашите сограѓани од албанско етничко потекло. Еден родител оди од куќа на куќа да моли за гласови, демек така ќе излезе неговиот син од затвор, кој е осуден на 12 години, затоа што во неговото возило му нашле 15 килограми кокаин“ - реагираат од ВМРО-ДПМНЕ.
Заев се расфрлал со нелегални ветувања и без милост или ги манипулирал или се впушта себе си во огромен криминал само за да дојде на власт.
Според нив, Заев докажал дека освен криминал во животот ништо друго и не знае да работи. Сметаат дека Заев се расфрлал со нелегални ветувања и ортачел со мафијашки структури од Македонија и регионот.
Можеби ќе ве интересира
„ОБИДОТ ДА СЕ РЕШАТ ДВЕТЕ КЛУЧНИ ПРАШАЊА ВО ЕДЕН МАНДАТ Е ТЕШКА ГРЕШКА“: слушнете го ставот на Бранко Азески во „Бизнис Муабети“
ЈАВЕН ОБВИНИТЕЛ ПРИБИРА И АНАЛИЗИРА ДОКАЗИ ЗА ПАЛЧО, НО ТИЕ НЕМА ДА СЕ СПОДЕЛАТ СО ЈАВНОСТА - првата ноќ во затворот тој ја поминал мирно
ГЕРМАНИЈА ДРАСТИЧНО ГО ЗГОЛЕМИ БРОЈОТ НА РАБОТНИ ВИЗИ ЗА МАКЕДОНЦИТЕ И ДРУГИТЕ БАЛКАНЦИ: Ова се професиите кои најдобро ќе се снајдат, платите одат и до 7.000 евра
ВМРО-ДПМНЕ и „Вреди“ ќе бараат гаранции за уставни измени?
СЕ ОБЕСИЛ ВО ПРИТВОРОТ КАДЕ ИМАЛО УШТЕ ЕДЕН ПРИТВОРЕНИК: Притвореникот кој си ги уби сестрата и внукот во кумановски Габреш си го одзема животот
„Отстапување од Договорот, сигурно ќе има сериозни последици во нашите односи“: Мицотакис повторно се огласи
ГО ИСКИНА ДОГОВОРОТ ОД ПРЕСПА: „Не постои ни северна, ни јужна Македонија, Македонија е една и е Грција“- грчкиот пратеник Велопулос гневен на тоа како се учи историјата во земјава
ТУКА СУМ, НЕ ОДАМ НИКАДЕ, ЦВРСТО СТОЈАМ НА ПАТОТ НА СОЦИЈАЛДЕМОКРАТИЈАТА! Битиќи замоли да не се шпекулира дека заминува во ВРЕДИ
ЖИВОТ ЗНАЧИ, АМА ЈА РАСФРЛАМЕ КАКО ЃУБРЕ – во дел од регионите во земјата загубите на вода надминуваат 70 отсто
