СДСМ: Со мнозинството нема да дозволиме да се загрози безбедноста
Објавено во: Македонија 23 Април, 2017
СДСМ повторно истакна дека целосната блокада на политичкиот систем од страна на ВМРО-ДПМНЕ е директно рушење на интересите на граѓаните и дека обидот на Груевски да се спаси за сите дела кои ги направил може да има огромни последици.
- Граѓаните и државата се под заложништво на Никола Груевски и раководството на ВМРО-ДПМНЕ кои со насилство ги блокираат демократските процеси. Тие се подготвени, за да се спасат од одговорност, да го блокираат целиот државен систем и да ги жртвуваат стабилноста на Македонија и егзистенцијата на луѓето.
Земјоделците се уште не ги добија субвенциите. Фирмите доцнат со исплата на плати. Министрите во заминување веќе 4 месеци се со технички овластувања. Најзагрижувачки, за три недели Македонија ќе остане без градоначалници и советници, бидејки тогаш по закон престануват сите нивни овластувања.
Граѓаните гласаа против насилства, заложништва, криза, притисоци, против кршење на Уставот и законите. Тие во огромно мнозинство избраа промени и заедништво и очекуваат квалитетен живот и евро-атлантски интеграции.
Бидејки се работи за неразумни политичари како Груевски и Иванов, парламентарното мнозинство постапува мудро за да ги заштити државата и граѓаните од насилието на криминалната група која сака инциденти и не дозволува мирен трансфер на власта, велат од СДСМ.
Од партијата на Заев посочија дека тие заедно со мнозинство нема да му дозволат на Груевски да ја загрози безбедноста на граѓаните и државата, а наскоро ќе се одбере претседател на Собрание и нова влада.
Можеби ќе ве интересира
ФАКТОР НА ДЕНОТ: Панче Тошковски вели дека Палевски ќе биде екстрадиран во најкраток рок
AНТОНИО МИЛОШОСКИ: Супер е шишање кај бербер со слична фризура
ПЕНДАРОВСКИ: Бројот еден е гаранција дека државата ќе продолжи по правилниот курс кон ЕУ
ТОШКОВСКИ: Во најкраток рок ќе биде екстрадиран Љупчо Палевски
ЗАВРШЕНИ СЕ ПОТРЕБНИТЕ ПРОЦЕДУРИ: Полицијата веќе почна со организацијата на екстрадицијата на Палевски
ПЕНДАРОВСКИ: Kaко Силјановска Давкова ги обезбедила тие информации дека во ДУИ има поделба?
СИЛЈАНОВСКА ДАВКОВА: Јавна тајна е дека внатре во ДУИ има две струи, едните за, едните против
СЕ „ЕВАКУИРА“ СКОПЈЕ: Луѓето се упатија кон Грција
ДУИ ДО МИЦКОСКИ: Вокабуларот е агенда на Москва и Путин кои сакаат да ја дестабилизираат Македонија
