СЕ БАРААТ ДИРЕКТОРИ ЗА БИТНИ ПОЗИЦИИ – ќе има ли промени во раководните структури на Царина и УЈП
Објавено во: Македонија 08 Октомври, 2024
Владата распиша огласи за пријавување кандидати кои би раководеле со две многу битни институции во државата. Станува збор за институции надлежни за полнење на државната каса, и институции кои ги спроведуваат даночните регулативи, но и се грижат за увозот и извозот од нашата земја. Веќе е јасно дека станува збор за Управата за јавни приходи, како и за Царинската управа.
Владата на својата веб страна објави оглас со кој бара кандидати кои би се пријавиле на овие директорски позиции.
За кандидатите за директор на Царина и УЈП во огласите е напоменато дека идниот директор мора да е државјанин на Република Македонија, во моментот на именувањето не смее да му е изречена казна или прекршочна санкција забрана за вршење на професија, дејност или должност. Треба да има високо образование и најмалку пет години работно искуство, како и потврда за солидно познавање на англиски јазик која не е постара од пет години и тоа од една од светски признаените.
Но, покрај ова, Владата бара заинтересираните кандидати да пополнат и посебен образец со кој треба да го опишат кариерниот развој во последните 10 години. Но и да го наведат досегашното знаење за законите и актите кои ја уредуваат директорската позиција во Царината или во Управата за јавни приходи. Ќе треба да посочат и свои концепти и модели за управување со институцијата, особено за првата година од работењето. Се бара и солидно познавање на областа која се уредува, а деталите може да ги видите на овој линк.
Платата за овие директориски позиции не е објавена, но и во двата огласи Владата напоменува дека „коефициентот за пресметување е утврден согласно Одлуката за утврдување на коефициенти за пресметување на платата на функционерите кои ги именува Владата на Република Северна Македонија“. Рокот за пријавување на заинтересираните кандидати е 5 дена, сметано од денот на објавувањето на огласот во дневниот печат.
Како што е веќе познато од неодамна Владата назначи вршители на должност на позициите директор на Царинска управа и на Управата за јавни приходи.
Бобан Николовски е в.д. директор на Царина од крајот на јуни, но тој работел во оваа институција од 2008 до 2022 година, кога преминал да биде директор на ЈП Куманово план.
Што се однесува пак до УЈП, таму на директорската позиција по смената на власта е Елена Петрова, која исто така има долгогодишно работно искуство во институцијата. Таа е 25 години во управата, иако одредени години има работено и во Министерството за финансии.
Дали со овој оглас Николовски и Петрова ќе бидат и официјално назначени за директори на институциите каде сега се поставени да раководат, ќе видиме наскоро.
П.О.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
Можеби ќе ве интересира
ДВАЈЦА МЛАДИ МАКЕДОНСКИ ЛЕКАРИ НЕСЕБИЧНО СПАСУВАА ЖИВОТИ НА НАСТРАДАНИТЕ ВО НАПАДОТ ВО МАГДЕБУРГ - горда е македонската амбасада на нашата дијаспора
„БЕБЕТО ДЕНОТ БИЛО ПРЕГЛЕДАНО ОД СПЕЦИЈАЛИСТИ И БИЛО ВО ДОБРА ЗДРАВСТВЕНА СОСТОЈБА“ - директорот на Детска, Мемеди, тврди дека грижата била професионална
СЕ ОГЛАСИЈА ОД ВОДОВОД СО ГОЛЕМО СООПШТЕНИЕ: Полнењето е почнатои и се очекува притисокот да се стабилизира за неколку часа
„ЗА НАС ПОМЛАДИТЕ БЕШЕ КАКО ТАТКО, ПОЧИВАЈ ВО МИР ДРАГ ПРОФЕСОРЕ“ - почина професорот Љупчо Арнаудовски
ТИЕ ШТО ИМААТ ВОДА ИМААТ, А ТИЕ ШТО НЕМААТ ДА НЕ БРЗААТ КОГА ЌЕ ДОЈДЕ - еве какви препораки даде Институтот за јавно здравје
ПРОФЕСОРОТ КОЖУХАРОВ Е 64 ГОДИШНИОТ СКОПЈАНЕЦ КОЈ БЕШЕ ПРОНАЈДЕН ПОЧИНАТ ВО АВТОМОБИЛ ВО РЕКА - немало видливи траги на насилство
ОБДУКЦИСКИОТ НАОД УШТЕ НЕ Е ГОТОВ, А СЕ БАРААТ И ДОДАТНИ ЛАБОРАТОРИСКИ АНАЛИЗИ - Обвинителството ја испитува смртта на скопјанецот кој со колата беше пронајден во река
„ТОЈ Е ВО АЛБАНИЈА, А НЕ НА КОСОВО, НО НЕ Е НИ ВАЖНО, СО БЕГСТВОТО ЈА ДОКАЖА ВИНАТА“ - Меџити со информации за Груби
ЗАСНЕЖИЈА ПОВИСОКИТЕ МЕСТА НА СКОЈПЕ, СНЕГ ЌЕ ИМА И НА ПЛАНИНИТЕ - ова е временската прогноза
