Се намалува казнената камата за кредитите и за режиските трошоци

Добивај вести на Viber

Пониска казнена камата за кредитите и за режиските трошоци ќе донесе новата Уредба која вчера ја усвои Владата. Се носи за, како што велат оттаму, им се олеснат условите за работа и плаќање на реалниот економски сектор, како и на граѓаните во државата. Ова во услови на сериозно нарушена економска состојба и ликвидност на правните субјекти, а како последица на пандемијата КОВИД-19 и во услови на секојдневно заострување на мерките на Владата за спречување на ширењето на вирусот во државата, што го ограничува нормалното движење на граѓаните и функционирање на реалниот сектор.

Имено според новата Уредба ако досега казнента камата која е врзана со основната камата на Народнат абанка се определуваше на полугодишно ниво, сега тоа ќе се прави на месечно ниво. Со оглед на тоа пак што Народната банкаја спушти во јануари основната камата во два наврати ова значи автоматско намалување на оваа камата. Таа се плаќа во случај на доцнење на кредитните рати. 

„Стапката на казнената камата се определува на месечно ниво и тоа во висина референтната стапка, што важела на последниот ден од претходниот месец, зголемена за пет процентни поени во трговските договори и договорите меѓу трговци и лица на јавното право, односно зголемена за четири процентни поени во договорите во кои барем едното лице не е трговец, стои во Уредбата.

Кога паричната обврска е изразена или определена во странска валута, стапката на казнената камата се определува за секој месец, и тоа во висина на едномесечна стапка на Еурибор за евра што важела на последниот ден од претходниот месец, зголемена за пет процентни поени во трговските договори и договорите меѓу трговци и лица на јавното право, односно зголемена за четири процентни поени во договорите во кои барем едното лице не е трговец.

А.Т.