СЕ НАОЃА ВО РЕГИОНОТ: Би Би Си оцени која е најгрдата престолнина во Европа

Добивај вести на Viber

Би Би Си оцени дека косовскиот главен град е најгрд во Европа. 

Тој на сметка на овој град има повеќе критики и забелешки.

Приштина  е најгрдиот град во Европа, оценува репортер на Би-Би-Си, кој лани се нашол во близина на булеварите „Џорџ Буш“ и „Бил Клинтон“.

Тој објаснува дека уредно ја платил хотелска соба без вода и решил да ги искористи следните два дена за обиколка на градот.

Првото место каде бил репортерот на Би-Би-Си е Националната библиотека на Косово, на која порталот „Виртуелен турист“ го додели престижното признание за најгрда зграда.

Таа е отворена во 1982 година, а нејзината ограда личи на затвор.

Тој вели дека до 14. век поголемиот дел од албанското население биле христијани и дека дури по турското освојување сѐ се променило, а сега христијаните сочинуваат само три проценти од населението.

За него е иронично тоа што во градот Приштина се наоѓа катедралата Мајка Тереза, а Ватикан не ја признава независноста на Косово. Репортерот вели дека  90 проценти од граѓаните на Косово се со исламска вероисповест, што исто така е специфично. 

Патот на независност не мора да доведе до напредок, забележува репортерот. Тој додава дека „без парите, кои доаѓаат од странство, економијата целосно би се распаднала”.

Косово е признаено од 114 од вкупно 193 земји во ОН, додава репортерот.

Освен тоа Приштина е еден од најзагадените градови на Балканот. 

Но, од друга страна, специјализираниот веб-сајт за туризам „Лонли Планет“ (www.lonelyplanet.com) лани го рангираше Косово на 4. место на листата на европски региони кои ги препорачува за посета. 

фото Википедија