Се одмотува ли случајот со криминалната инвестиција во земјава?
Објавено во: Економија 29 Август, 2018
Се одмотува ли случајот со криминалната инвестиција во земјава, случај за кој во интервју за Фактор сведочеше директорот на Управата за финансиска полиција, Арафат Муареми. Иако поради истрагата, Муареми не откри детали, замрзнат е имотот на компанијата која инвестирала во земјава. Молчат и директорите на институциите кои се одговорни за инвестициите во земјава. Десет дена откако Фактор го обелодени случајот нема никаква реакција во јавноста.
Муареми во интервјуто тврдеше дека не може да соопшти сума и точни податоци, но дека работат на таков случај кој е поврзан со странска инвестиција. „За брзо време ќе излеземе со уште еден случај кој како инвестиција е со поголеми размери и со милионски суми во евра како штета. По завршувањето на истрагата ќе се уверите дека има и такви странски инвестиции кои се дојдени со една намера. Што повеќе да добијат и од државата и од другите фондови и да си отидат од Македонија, рече Муареми.
„Не се обратиле, ама ако го сторат тоа ние ќе соработуваме. Ќе отстапиме каков било документ кој им е потребен, вели Младеновски.
Анализа која ја објави Владата пред точно една година покажа дека Македонија за 10 години (од 2007 до 2017 година) за странските директни инвестиции издвоила 225 милиони евра.
Во тој период во земјата влегле 25 компании кои вработиле вкупно 20 илјади лица. Доколку се подели бројката на потрошени пари за странските директни инвестиции излегува дека секој работник Македонија ја чинел во просек по 11 илјади евра.