СЕ ОГЛАСИ ХАГ: Ратко Младиќ не е мртов
Објавено во: Балкан 11 Февруари, 2020
Ратко Младиќ не е мртов, изјавила Хелена Еглстон од прес канцеларијата на Хашкиот трибунал, откако на интернет почнаа да кружат информации дека починал.
Дека поранешниот генерал на српската армија Ратко Младиќ не починал, потврди неговиот син Дарко Младиќ за телеграф.рс.
„Се слушнав со него пред половина час. Звучеше добро. Адвокатот сега е со него. Се ова засега го сметаме за лажна вест“ – рекол Дарко Младиќ за телеграф.рс.
Првичните информации говорат дека веста се проширила од лажниот профил на министерката за надворешни работи на БиХ, Бисерка Турковиќ.
Претходно српските медиуми, објавија дека генералот на војската на Србите во Република Српска, Ратко Младиќ починал денеска во Хаг, повикувајќи се на информација објавена на Твитер од министерката за надворешни работи на Босна и Херцеговина.Хашкиот трибунал со првостепена пресуда изречена во ноември 2017 година, го осуди Младиќ на казна доживотен затвор, прогласувајќи го за виновен за геноцид извршен во Сребреница во 1995 година, за прогон на Бошњаците и Хрватите низ Босна и Херцеговина, за тероризирање на населението во Сараево и за земање на припадници на УНПРОФОР како заложници.
Младиќ се жалеше на оваа пресуда, но истото го стори и Хашкото обвинителство, барајќи тој да биде прогласен за виновен и за геноцид во шест други општини во БиХ, извршен во 1992 година.