СЕ ОГЛАСИЈА БУГАРИТЕ ОД МАКЕДОНИJA: Софија да се откаже од политика на блокади, а Скопје да покаже повеќе капацитет
Објавено во: Македонија 07 Октомври, 2020
Бугарите во Македонија се против политиката на блокади.
Бугарите кои живеат во Македонија, преку Бугарскиот културен клуб Скопје, бараат Софија да се откаже од оваа политика, а воедно и Скопје да покаже повеќе капацитет за објективизирање на историјата.
Во основата на писмото од 15 страници, испратено до премиерите на двете земји, Бојко Борисов и Зоран Заев, и до Европската Унија, како и германската канцеларка Ангела Меркел е идеја за промена на работата на историската меѓудржавна комисија, која треба да биде раководена од „патна карта со конкретни рокови, теми и резултати, со разширување на дебатата и кон училиштата и универзитетите“.
„Ако има заедничка историја, таа не може да биде украдена и историјата не може да биде променета, затоа што е таква, каква што се случила“, пишуваат Бугарите од Македонија.
Паралелно тие ги повикуваат двете страни, Бугарија да „прекине да поставува какви било услови и ѕвездички за користењето на македонскиот јазик, затоа што секоја независна држава има право да го определува својот официјален јазник, кој може да биде меѓународен јазик, како англискиот, францускиот, шпанскиот, арапскиот и други, или да изгради и кодифицира свој сопствен национален јазик и да го нарече како самата ќе процени“.
Тие очекуваат „Северна Македонија да влезе храбро во процесот на објективизирање на својата историја. Време е сите граѓани сами да разберат за дејноста на преродбениците и револуционерите, преку нивните дела, а не преку посредници, кои заради политички цели ги заплашуваат, дека некој се обидува да ја промени исоријата. Историјата не може да се промени, Таа се случила така, како што се случила, незвисно од политичките манипулации“.
Триесетина бугарски историчари, научници, универзитетски професори и јавни личности деновиве со заедничко писмо до јавноста се изјаснија против меморандумот што Софија го испрати до земјите членки на Европската Унија во кој се изнесени сериозни тврдења и црвени линии на патот на Скопје кон ЕУ.