Се поголем број Македонци сурфаат на интернет
Објавено во: Македонија 01 Јули, 2018
Според податоците на специјализираниот статистички веб сајт „Интернет ворлд стат“, во земјава интернет користат 1.583.315 лица или 75,9 отсто од населението, милион (48 проценти) се приклучени на социјалната мрежа Фејсбук, а споредено со крајот на октомври лани, има зголемување за 80.000 и постои стагнација кај корисници на Фејсбук.
Од Македонците повеќе интернет користат во Хрватска (90,9 проценти), Босна и Херцеговина (80,7 проценти) и Словенија (79,9 проценти). а помалку во Србија (72,2 отсто), Грција (70,1 процент), Црна Гора (69,9 отсто) и Бугарија (66,3) проценти.
Во Европа интернет користат 704 милиони луѓе, а споредено со октомври за два милиона е помал бројот на корисници на Фејсбук и изнесува 341 милион.
Најмногу интернет се користи во Исланд и Норвешка каде речиси целото население или 99,2 отсто користи интернет, а во овие земји има и по 63,5 проценти корисници на Фејсбук.
Податоците на „Интернет ворлд стат“ покажуваат дека во светот има 4,15 милијарди корисници, бројка која во октомври лани изнесувала 3,88 милијарди, а 2,11 милијарди имаат Фејсбук профил.