Се повеќе швајцарските банки наплаќаат такса за депозитите

Добивај вести на Viber

Швајцарските банки им бараат на своите партнери од финансиските компании да плаќаат за депонирањето на франци по своите сметки. Во понеделникот „Credit Suisse“ соопшти дека воведува негативна камата на краткорочните депозити за финансиските компании. Земајќи ги предвид ниските процентни стапки, банката не може да заработува од овие средства и се обидува да го ослободи сопствениот капитал, пишува весникот „РБК Дејли“. „Поради моменталната состојба на пазарот и по внимателно проучување на ситуацијата во текот на една година, ние одлучивме да почнеме да спроведуваме негативни кредитни камата на сметките. Ги советуваме нашите клиенти да се придржуваат на воведениот праг на сметката  за да избегнат негативните кредитни стапки “, им соопшти „Credit Suisse“ на своите клиенти. Прагот, над кој ќе треба да се плаќа за постоењето на банкарска сметка ќе биде прецизирано до 10 декември, кога и мерката стапува во сила .Слична мерка објави и главниот конкурент на „Credit Suisse“, банката „UBS“, која соопшти дека почнала да воведува ваква практика од август 2011 година. Негативна камата на депозитите во швајцарски франци веќе се воведени од неколку меѓународни банки, меѓу кои „State Street Corp“. и „Bank of New York Mellon“, како и „Royal Bank of Canada“. Од почетокот на должничката криза швајцарскиот франк стана прибежиште за инвеститорите, кои почнаа да ги претвараат еврата во швајцарски франци. Летото минатата година, откако франкот практично достигна паритет со еврото, Народната банка на Швајцарија беше принудена да воведе максимална вредност на курсот од 1.2 франци за евро. Тогаш за да запре јакнењето на франците, банката ја намали основна каматна стапка скоро до 0%.