Се степале таткото и синот, сестрата ги двоела и на крај сите завршиле во болница
Објавено во: Македонија 27 Јануари, 2020
Семејна расправија на едно скопско семејство се претворила во драма, откако прво таткото го удрил синот, по што тие се степале меѓу себе, а на крај настрадала и сестрата која се обидела да ги раздвои. Финалниот епилог бил дека сите тројца завршиле во болница.
„На 26.01.2020 во 20.33 часот во СВР Скопје било пријавено дека на ул.„391“ во Скопје, по претходна расправија, 15-годишен малолетник бил физички нападнат со дрвен предмет од неговиот татко С.Т.(50) од Скопје, по што настанала физичка пресметка во која малолетникот со остар предмет ги нападнал неговиот татко и сестра А.Т.(22), која се обидувала да ги раздели. Лицата биле пренесени во Градска општа болница „Св.Наум Охридски“ за укажување на лекарска помош. Увид на местото на настанот извршила екипа од СВР Скопје. Се преземаат мерки за расчистување на случајот“, соопшти МВР.