Се удавил 56 годишен чувар во базен во фабрика во Прилеп
Објавено во: Македонија 22 Септември, 2020
Се удавил 56 годишен чувар во базен во круг на фабрика во Прилеп. Вчера бил пронајден, а лекар констатирал дека немало траги на насилство.
„На 21.09.2020 во 17.49 часот во СВР Битола било пријавено дека во базен во круг на фабрика на ул.„Орде Чопела“ во Прилеп бил пронајден удавен Г.М.(56) од с.Беровци, кој бил ангажиран како чувар на објектот. Од противпожарна екипа од Прилеп телото било извлечено, а од доктор од итна медицинска помош Прилеп извршен е преглед и констатирана е смрт без траги на насилство. Увид на местото на настанот извршиле јавен обвинител и увидна екипа на Полициска станица Прилеп, а по наредба на јавен обвинител телото на починатиот било предадено за обдукција“, се вели во соопштението од полицијата.