Секој четврток на едно место сите здрави производи: По еден месец пауза се враќа Органски Базар

Добивај вести на Viber

Топлото време кое го имаше овие неколку денови на почетокот на февруари многумина успеа да ги збуни и „излажa“ дека наместо зима, се наоѓаме во пролет. Сепак, колку и да се посакува да е помината зимата и студеното време, сепак и повеќе од сигурно е дека претстојат уште многу ладни денови во наредниот период.

За превземање на превентивни мерки,потребно е да се биде подготвен за сите вируси кои демнат во овој период од годината и го напаѓаат имунитетот. Здравиот начин на живот има големо влијание врз нашето здравје. Особено важно е консумирањето на здрава храна, а особено тука спаѓаат органските производи кои всушност се квалитетни и безбедни намирници од одржливо производство.

Како и секој четврток од минатата година, така и денеска, Скопје Сити Мол, е домаќин на Органскиот Базар, кој освен што нуди голем број на органски производи на едно место, што е реткост за кај нас, прераснува и во нова форма на дружење на сите граѓани каде се споделуваат позитивната енергија и тајните за здрав живот.

Органскиот базар правеше пауза само за време на јануари, а се отвора денеска со кое што секој нареден четврток, од 10 часот наутро до 22 часот во Скопје Сити Мол на сите граѓани ќе им понуди органски производи и препарати, како и козметика направена од 100 отсто органски состојки и средства за чистење на домаќинство без хемикалии.

Органскиот базар е лоциран на влезот на Скопје Сити Мол од страната на Play Café. Денеска на менито беше понуден голем број на зеленчуци и овошја, како брокула, власец, обичен и француски магдонос, тикви, цвекло, шери домати, лути и благи пиперки, зелка, даикон, модар патлиџан, компир, кивано, блитва, рукола, ендирија, власец, јаболка, маслинки и многу други кои ќе се најдат на модерните тезги на  базарот. Сите заинтерсирани можат да го пронајдат и киваното кое во последно време е хит на нашата планета, а тоа е познато уште и како африканска бодлива краставица, со многу освежителен и пријатен вкус.