Секојдневно се зголемува бројката, десетици илјади граѓани не можат да добијат нова лична карта
Објавено во: Македонија 07 Август, 2021
Повеќе од 30 илјади граѓани во моментов не можат да добијат нова лична карта, поради тоа што во Собранието заглави предлог-законското решение за етничката графа во личните документи.
Бројката на неиздадени документи секојдневно расте, иако граѓаните од почетокот на јули веќе аплицирале, се фотографирале и платиле за новите документи.
05 до 31.07.2021 барање за лична карта поднеле 26.314 граѓани, додека од 01-06.08.2021 примени се 4.864 барања за лични карти од граѓаните, објави Дојче Веле. Од МВР засега велат дека тоа е така затоа што законот е се уште во Собрание и не може да се интервира ретроградно
Законот за личните карти кој е доставен од март во Собрание, е блокиран од опозицијата со 1.506 амандмани, иако неговата примена треба да важи од 1 јули.