Села дециден, Алијансата нема да си оди од Владата
Објавено во: Македонија 21 Октомври, 2017
Алијансата за Албанците нема да си оди од Владата.
Ова е децидниот став на Зијадин Села.
Лидерот на партијата која е дел од владината коалиција во изјава за дел од медиумите потенцира дека Алијансата останува во Владата по изборите.
Прстот за ширење на овие информации, кои Села ги нарече дезинформации, го впери во ДУИ.
Села вели дека партијата на Али Ахмети има цел да ги заплаши граѓаните, и шири пропаганда.
„Ние во Владата сме главни носители на реформите што таа
ги прави и ние сме гарант за реформите. Не може гарант за реформите да биде еден политички субјект кој создавал проблеми како што е ДУИ.“-вели Села.
Лидерот на Алијанса за Албанците Зијадин Села демантира дека партијата ќе ја напушти владината коалиција по локалните избори.
Потегот на Зијадин Села, претседателот на Алијансата за Албанците во вториот круг на локалните избори да коалицира со БЕСА внесе голема конфузија во албанскиот политички блок и разбирливо незадоволство кај Али Ахмети кој е клучен коалициски владин партнер.
Прочитајте ја целата анализа овде.