ШЕКЕРИНСКА, ФИЛИПЧЕ, А ИМА И ДРУГИ - КОЈ ЌЕ СИ ЗАМИНЕ ОД ИЛИНДЕНСКА, А КОЈ ОСТАНУВА ВО НОВАТА ВЛАДА - Ковачевски го крои Кабинетот
Објавено во: Македонија 18 Декември, 2021
По Шеќеринска и Филипче уште најмалку тројца други министри од владиниот кабинет на Заев што не се од коалициските партнери веројатно нема да бидат дел од новиот владин состав кој деновиве интензивно го подготвува лидерот на СДСМ Димитар Ковачевски, коментираат извори од владејачката партија, јавува ТВ Сител.
Иако имиња нема, коалициски партнери од Владата коментираат дека речиси е извесно дека од Владата заминува министерката за образование Мила Царовска.
Според телевизијата, се очекува, новиот владин кабинет на Ковачевски да биде стокмен дури и побрзо од очекуваниот 15-ти јануари. Доколку актуелниот премиер Заев ја поднесе оставката наредната среда, како што се најавува, тогаш Ковачевски би го добил мандатот за Влада некаде на 26 или 27 декември, велат изворите. Тој, пак, не би ги користел сите 20 дена уставен рок за да ја напише владината програма и да ги предложи министрите имајќи предвид дека тоа го прави уште од времето на договорот Заев-Гаши.
Таа потсети дека пред осум месеци се повлекла од партиската функција заменик-претседател на СДСМ оти не се согласувала со дел од политиките, кои според неа, придонеле за пораз на локалните избори и не очекува работите да се сменат.
„За жал, мојот впечаток е дека од тие лекции не ги научивме и дека некои од пораките на јавноста не ги чувме или не ги разбравме, и затоа мислам дека единствената чесна и принципиелна одлука е да не учествувам во следната Влада“, нагласи Шекеринска.
Потенцира дека во изминатите четири и пол години, таа, како и другите нејзини колеги, и служела на државата, и се оддолжила за голема доверба добиена од граѓаните, со членство во НАТО и најбрза воена интеграција од страна на која било кандидатка членка на Алијансата. И она што за неа било особено важно, апсолутно променета ситуација во нашата Армија.
Во врска со односите меѓу Русија и Украина и можноста за ескалација на состојбата, Шекеринска рече дека и нашата држава, како и другите членки на Алијансата го поддржале коминикето на НАТО со кое се изразува сериозна загриженост заради ескалацијата на состојбата, особено со зголемувањето на руски трупи на границата со Украина.
Според Сител, новото раководство на СДСМ се очекува да биде избрано од страна на ЦО идната недела. Освен Филипче, во него нема да бидат ни Оливер Спасовски ни Мила Царовска. Додека, пак, телевизијата објавува дека новиот лидер Ковачевски и натаму смета на Сања Лукаревска, Бојан Маричиќ и Фатмир Битиќи.