Шеќеринска се сретна со одбранбените аташеи на Република Македонија и воениот претставник на постојаната мисија во НАТО

Добивај вести на Viber

Денеска во Министерството за одбрана, министерката за одбрана, Радмила Шеќеринска, одржа состанок со  одбранбените аташеи на Република Македонија САД, Турција, и СР Германија, со воениот претставник на РМ при НАТО  и со нерезидентното аташе за Косово, Црна Гора и Босна и Херцеговина.

Министерката Шеќеринска,  ги информираше воените претставници на Република Македонија за актуелните состојби во МО, како и за идните планови, фокусирајќи се на претстојната изработка на стратегиските документи од доменот на одбраната и чекорите кои ќе се преземат во однос на постапното зголемување на одбранбениот буџет. Дополнително, министерката зборуваше и за тоа што треба да се преземе во насока на подобрување на интерните процеси и процедури во МО и начините за идна комуникација, а се со цел заеднички и координиран настап пред странските партнери и пријатели.

За време на состанокот аташеите ја информираа министерката за одбрана за актуелните состојби во земјите за кои се задолжени како и за актуелните случувања во НАТО, за редовните и вонредни активности кои ги спроведуваат со акцент на периодот јануари август 2017 година како и за нивните идеи и препораки за идниот период.

Од страна на министерката Шеќеринска беше побарано од нашите претставници да продолжат интензивно да работат за континуирано јакнење на довербата и соработката со партнерите, во насока на остварување на стратешката цел на државата – членство во НАТО.

Беше заклучено дека ваквиот тип на состаноци се корисни и ќе се одржуваат еднаш годишно.