Добивај вести на Viber
Речиси шест илјади слободни легла има во студентските домови, според конкурсот за сместување објавен вчера. Од нив 1.190 се за бруцоши.
Електронското пријавување за места во студентските домови започна вчера и ќе трае до 10 август, а за бруцошите ќе започне на 19 август и ќе трае пет дена.
Во студентскиот дом „Гоце Делчев“ на располагање се 1.010 легла, без Блокот Б кој започнува да се реконструира летово. За сметка на тоа, отворени се нови сместувачки капацитети во студентскиот дом „Стив Наумов“, во кој во трите згради ќе има 1.343 слободни легла и уште 138 во новите бараки. Во „Кузман Јосифовски-Питу“ има 496 легла, во „Пелагонија“ - 973 и во „Томе Стефановски Сениќ“ - 577.
Приемот во студентските домови е поделен во три групи: 40% од местата се за студенти од семејства со ниски примања, деца без родители, деца со посебни потреби; 25% од собите се за студенти кои постигнале висок успех во учењето; 35% за редовни студенти кои не припаѓаат во овие категории.