Шест нешта што не треба да ги направите кога ќе останете без работа

Добивај вести на Viber

Повеќето луѓе сонуваат за можноста при заминување од работа да му кажат во лице на шефот сѐ што мислат за неговото однесување. Без разлика дали заминувате по своја желба или сте добиле отказ, важно е да внимавате на своето однесување. Еве што никако не би требало да правите при напуштање на работното место. Да станете емотивни Напуштањето на работата секогаш е тешко, без оглед на тоа дали сами се одлучувате на тоа или сте принудени. Ако почувствувате дека ви навираат солзи, исплачете се некаде каде што никој нема да ве види и достоинствено напуштете ја работата. Никогаш не знаете дали некогаш повторно ќе имате прилика да работите за таа фирма или за тие луѓе и затоа мора при заминувањето да оставите добар впечаток. Да бидете искрени  При заминувањето од компанијата најчесто ве прашуваат какво е вашето искуство во таа фирма и кои се причините за заминувањето. Иако тоа може да биде добра прилика за конструктивна критика, немоте да погрешите. Сѐ што ќе кажете ќе стигне до вашите колеги, особено ако работите во мала фирма. Наместо тоа, концентрирајте се на позитивните нешта, бидејќи никогаш не се знае дали ќе бидете во ситуација да се вратите во старата фирма. Да ги истакнете лошите страни на претходната фирма На разговор за нова работа немојте лошо да зборувате за претходното работно место. Ако немате да кажете ништо добро, немојте ништо да кажувате, бидејќи негативноста ќе ве претстави како незадоволна личност која е нелојална. Кога ве прашуваат зошто сте си отишле од претходната работа, изнесете неутрални причини, дури и ако морате да ги измислите. Кажете дека сте сакале нови предизвици и така ќе го купите новиот работодавец. Да отидете без препораки  Ако е можно, секогаш барајте да ви напишат препорака. Дури и ако таа не ви е потребна за следната работа, никогаш не се знае кога ќе ви затреба. Да ги оставите колегите на цедило Немојте туку така да отидете и да ги оставите колегите сами да се снаоѓаат. Последниоте ден на работа предложете некој кој би можел да ве замени и запишете што е важно за понатамошната работа на вашите колеги. Така ќе оставите добар впечаток, а поранешните колеги нема постојано да ви се јавуваат за да ве прашуваат по нешто. Да лажете за вашето искуство Кога во личната биографија ќе го додадете своето работно искуство, внимавајте да бидете точни во однос на тоа од кој до кој месец сте биле во претходната компанија и какви биле вашите обврски. Немојте да додавате нешто ниту да измислувате, затоа што ако се пријавувате во некоја успешна компанија, може да си направите проблем, бидејќи компанијата може да го провери тоа што сте го напишале.