Шилегов: Ќе потрошиме малку за пописот, а ќе добиеме многу
Објавено во: Македонија 29 Јануари, 2021
Градоначалникот на Град Скопје, Петре Шилегов, по координативната средба за пописот во Собранието со премиерот Зоран Заев, директорот на Државниот завод за статистика и останатите градоначалници, рече дека локалните единици ќе потрошат малку пари за спроведување на статистичката операција, а за возврат ќе добијат многу корисни информации од истиот.
- Не се тоа многу зголемени материјални трошоци да не може која било единица на локална самоуправа да ги направи. За возврат ќе добијат реален податок за тоа што се наоѓа на нивната територија. Ние како градоначалници по основ на тоа понатаму ќе можеме да ги креираме политиките на микро-ниво во средините и заедниците, рече претседателот на Здружението на единиците на локални самоуправи.
Тој додаде дека општините единствено ќе треба да обезбедат простории и своите бази на податоци. Шилегов ги повика и одредени политички субјекти да се откажат од намерата да се однесуваат деструктивно пред пописот.