Шкриељ: Исплатата на негата од друго лице не е блокирана

Добивај вести на Viber

Санела Шкриељ, дополнителниот заменик-министер за труд и социјална политика, на денешната прес-конференција, одговарајќи на новинарско прашање, рече дека исплатата на нега од друго лице не е блокирана, туку станува збор за период во кој е укинат системот на решавање со една лекарска комисија и воведувањето на нов од 15 комисии кои се распоредени низ целата држава.

- Предметите не се блокирани, туку се во процедура и имаат рок на решавање и тоа е фактичката состојба. Сега точно се знае кои комисии се, во кој состав од лекари-специјалисти се составени и во кои градови се. Тоа е реалноста, рече Шкриељ.

Taa ги повика стечајците од утре да поднесуваат барања согласно последните измени на законот за материјално обезбедување на невработени лица заради приватизација на претпријатија од државна сопственост кое што Собранието ги усвои.

- Очекуваме најмалку уште 1.000 стечајни работници да го остварат ова право на месечен надоместок на 8.000 денари до пензионирање. Знаете дека во изминатиот период направивме неколку законски измени се со целк на што поголем број на наши сограѓани кои ја загубиле работата во тој период да го остварат правото и до сега имаме опфатено 12.000 стечајни работници, додаде Шкриељ.