Мицкоски: Народот си ја спаси државата, ДУИ оди со СДСМ во опозиција

Добивај вести на Viber

Христијан Мицкоски, лидерот на ВМРО-ДПМНЕ, по извесната победа на парламентарните избори од изборниот штаб порача дека СДСМ и ДУИ че одговараат, како што рече, до последен за сторениот криминал и неправда.

- Вечерва конечно се поразени. Поразени се и предавствата и поделбите. Тие стотина луѓе од СДСМ и ДУИ нив денес ги боли главата - има и зошто, ќе одговараат до последниот. Секој кој направил криминал мора да одговара според правда и закони, рече Мицкоски.

Лидерот на коалицијата „Македонија повторно твоја“ додаде дека поразен е и бојкотот на бојкотот на ДУИ. 

- Народот покажа дека поединци можат да создаваат кризи и да се штитат преку институции. Се им се удри од глава и на крај се избојкотираа самите себе си. Време е да одат заедно со СДСМ во опозицијата. Народот си ја спаси државата. Оваа генерација има можност да создаде ново поглавје во која Македонија ќе биде ваша, рече Мицкоски.

Во првите 100 дена најави, како што кажа тој, добри вести за граѓаните и македонската економија. До идните функционери од коалицијата на ВМРО-ДПМНЕ им порача да не го заборават народот и дека ќе им служат на сите без поделби.

- Ќе промовираме соживот каде ќе ја имаме државата во свои раце. За брзо време ќе започнеме преговори за правење на најдобрата коалиција за нашата земја. Ќе ја формираме владата во најкус можен рок со транспарентен процес, истакна тој.

Мицкоски ја честиташе и победата за претседател на Гордана Силјановска Давкова.

- Нејзината цел ќе биде да го врати достоинството и Македонија да биде повтопрна горда. Верувам во нејзините капшацитети и со доблест и решителност ќе служи на татковината, истакна Мицкоски.

Откри дека телефонски се слушнал денеска со Билал Касами, Изет Меџити и Арбен Таравари за добриот резултат, според него, на ВЛЕН и утре претпладне го најави првиот состанок каде ќе се утврдат принципите за формирање на владата.