ШКРИЈЕЉ ОБВИНИ: Мизрахи не се согласува со Преспанскиот договор и го опструира
Објавено во: Македонија 07 Февруари, 2020
Целта на Мизрахи е да го опструира Преспанскиот договор, вели дополнителната заменик министерка за труд и социјална политика, Санела Шкријељ.
Вака таа го оценува потегот на техничката министерка Рашела Мизрахи да држи прес конференција пред старо пано на кое стои името Република Македонија. Вели дека тоа е порака дека не се согласува со Преспанскиот договор и го опструира.
Од СДСМ реагираат дека Мизрахи работи по налог на лидерот на ВМРО-ДПМНЕ, Христијан Мицкоски и екс премиерот Никола Груевски и дека тоа што го прави е лицемерено затоа што како што велат, немала проблем да се потпише под уставното име кога ја давала изјавата при стапување на функцијата. „Христијан Мицковски и ВМРО ДПМНЕ со полна пареа работат на оставарување да ја врати државата чекор назад. Последен доказ за тоа е непочитувањето на уставното име од страна на техничката министерка за труд и социјална политика од ВМРО-ДПМНЕ Рашела Мизрахи и тоа во државна институција во зградата на Министерството“, велат од СДСМ. Според нив, со вакви потези се загрозуваат евроинтеграциите.