Шојбле: На Грција ќе и требаат уште пари

Добивај вести на Viber

Грција ќе има потреба од трет пакет меѓународна финансиска помош, јавно проговори денеска германскиот министер за финансии, Волфганг Шојбле. Според него, неопходна е уште една програма за задолжената држава. Пред присутните на предизборен собир во северна Германија, а во очи на парламентарните избори во Германија закажани за 22-ри септември,  Шојбле сепак посочи дека инвеститорите нема да мора да се откажат од делот на побарувањата што ги имаат спрема Грција. Третиот пакет помош би можел да се побара кон крајот на 2014 година, кога ќе истече вториот пакет. Како што пренесе Ројтерс, во меѓувреме и неименуван грчки фунцкионер од министерството за финансии изјавил дека новите кредити би требало да го премостат очекуваниот кусок на средства во периодот меѓу 2104 и 2106 година. „Грција и нејзините кредитори разгледуваат неколку можности за премостување на кусокот средства со кој Грција ќе се соочи во идните неколку години", изјавил тој за Ројтерс.