Што го „билда“ растот на БДП?

Добивај вести на Viber

Бруто-домашниот производ во Македонија се зголемил. 

Тој во 2017 година изнесува 616 600 милиони денари и во однос на 2016 година номинално е зголемен за 3.7 %. Реалната стапка на раст на БДП во 2017, во однос на 2016 година, изнесува 0.2 %.

Ова е според претходните податоци на Државниот завод за статистика, добиени од годишните сметки на деловните субјекти и други извори. 

Најголемо учество на додадената вредност во структурата на БДП во 2017 година имаат секторите: (Е, Ж и З) Трговија на големо и трговија на мало; поправка на моторни возила и мотоцикли; Транспорт и складирање; Објекти за сместување и сервисни дејности со храна (20.0 %).

Финалната потрошувачка во 2017 година, во однос на 2016 година, номинално расте за 1.7 %, а во структурата на БДП учествува со 80.8 %.

Учеството на извозот на стоки и на услуги во структурата на БДП во 2017 година изнесува 55.4 %.

Во техничката структурата на инвестициите во основни средства, градежните работи учествуваат со 61.0 %, машините и опремата со 31.5 %, а останатите инвестиции со 7.5 %. 

Вредноста на инвестициите во основни средства во 2017 година изнесува 135 318 милиони денари.

За споредба, според претходните податоци на Државниот завод за статистика  бруто-домашниот производ во 2016 година изнесува 598 881 милиони денари и во 
однос на 2015 година е номинално зголемен за 7.1%. Реалната стапка на раст на БДП во 2016, во однос на 2015  година, изнесува 2.9%.

Бруто-домашниот производ во 2015 година изнесува 558 240 милиони денари и во 
однос на 2014 година номинално е зголемен за 5.8%. Реалната стапка на раст на БДП во 2015, во однос на 2014 година, изнесува 3.8%.