Што го загади екстремно воздухот во Куманово
Објавено во: Македонија 26 Октомври, 2019
Како што почнаа да се симнуваат температурите, особено во вечерните и ноќните часови, така граѓаните во земјава се повеќе ќе мачат мака со загадениот воздух.
Апликацијата Мој воздух сведочи за лошите резултати. Таа синоќа покажа колку многу над дозволените граници е загаден градот Куманово. Имено, таму беа измерени 1.028 ПМ честички на 100 микрограми.
На социјалните мрежи деновиве граѓаните се пожалија дека во вечерните часови се пали отпад на одредени локации во градот.
Скопје, пак, се искачува на листата најзагадени градови во светот како што се наближува зимата и вчера беше 15-ти најзагаден град, според податоците на air visual.
Белград е 9-ти, Приштина е на 17 место, а Сараево е на 19-то место на листата.