Што ќе се случи со Титовиот брод?
Објавено во: Балкан 24 Јуни, 2019
Титовиот брод „Галеб“ за 4,5 милиони евра ќе се пренамени во музеј.
Хрватскиот град Риека објави ново надавање за обнова на бродот Галеб, кој бил пловечка резиденција на поранешниот претседател на СФРЈ, Јосип Броз Тито.
Од градот Риека објаснуваат дека вкупната проценета вредност за обнова на бродот ќе чини 4,7 милиони евра и дека ќе се одвива во две фази. Во првата се предвидува обнова и пренамена на Галеб во брод-музеј со пропратни комерцијални содржии, а втората фаза ја сочинуваат реставраторските работи за уредување на ентериерот. Обновата ќе трае 14 месеци.
Бродот Галеб долг е 117 метри, а изграден е во 1936 година во Џенова за потребите на италијанската компанија „Реџиа Азиенда Монополи Банане“, која се занимавала со трговија со јужно овошје. Тогаш го носел името „РАМБ III“.