Што покажала анализата на Анѓушев и економските министри

Добивај вести на Viber

Владата направила анализа, која, како што велат, покажала дека економијата, во нејзиното време на владеење од две и пол години, е подобра за разлика од претходниците.

„Тимот на вицепремиерот Анѓушев, заедно со министрите од економските ресори, изработија сериозна анализа, базирана на официјални податоци и статистики. Анализата споредува три сетови од по 8 квартали, односно периодите од јули 2013 до јуни 2015, јули 2015 до јуни 2017 и од јули 2017 до јуни 2019 година. Фактите и бројките се непобитни, економијата е посилна од било кога“, соопштија од Владата.

Владата успеала, велат, за 2 години да отвори повеќе од 54.000 нови работни места, со што земјава дојде до историски најниската стапка на невработеност од 17,4 отсто.

„Просечната плата порасна за 2.297 денари во овие две години, за разлика од растот од само 821 денари во времето на претходната Влада“, велат од Владата. 

Цената на струјата е пониска и стабилизирана, во време на претходната влада порасна за 100 отсто, велат од Владата. 

Се отвораат повеќе фабрики. За две години, Владата потпишала 34 нови договори за странски и домашни инвестиции. Од нив, 12 фабрики се изградени, а 22 фабрики се во процесот на изградба.

Пораснале и странските инвестиции.

„За две години, во Северна Македонија се инвестираа 741 милиони евра. За ова се одговорни два фактори надминувањето на политичката криза и започнување со работа на нашата одговорна и транспарентна влада и решавањето на сите наши билатерални спорови со соседите и откочувањето на евро-атлантските интеграции. Фокусот на економијата, заедно со членството во НАТО ќе донесе уште повеќе странски инвестиции“, велат од влста.