Добивај вести на Viber
Земји и компании мора да добијат помош за да разберат како може да се заработат пари со запирање на климатските промени. Тоа е целта на подготовка на еден нов извештај, кој ќе биде финансиран од страна на Шведска и Норвешка.
Зад иницијативата стои шведската министерка за екологија Лена Ек, која денеска ќе го презентира акциониот план.
- Потребно е да ги продолжиме климатските промени со нова брзина, вели министерката Ек. Таа в недела заминува за Катар на чело на шведската делегација која ќе учествува во преговорите за продолжување на Кјото-договорот.
Лена Ек се надева дека со презентацијата на новата скандинавска идеја светските лидери ќе бидат поттикнати да преминат од зборови на дело. Во последно време повеќе извештаи, меѓу другото од Светската банка, ги опишаа последиците поради загревањето на воздухот и морињата за четири степени, а што е значително побрз развој од прогнозите пред само неколку години.
- Времето за да може да се направи нешто е преполовено, потенцира Лена Ек. Научно-економскиот извештај на скандинавските влади ќе биде делумно готов при наредната презентација на рапортот на Меѓувалдиното тело за климатски промени (МПЦЦ) во Стокхолм во септември наредната година.
- Постои очигледна потреба да се презентираат аргументи како може да се заработат пари на енергетски инвестиции, иновации, трошоци за здравјето, општо земено како да се користи паметната техника, која се воведува, но не е секогаш индустријализирана, вели шведската министерка за екологија во интервју за „Дагенс нихетер“.
Но, се чини дека сите не го делат истиот ентузиајам. Лена Ек смета на отпор од страна на земјите производители на нафта како Русија, а отпор се очекува и од Јапонија и Кина, која бележе брз економски раст. - 95 отсто од сиот лобизам е за користење на стара техника, констатира министерката Ек.