Шведската компанија ја превзеде „Сархемс“ од Ѓаковиќ
Објавено во: Економија 29 Ноември, 2019
Компанијата SHC Swedish Helicopter Consortium AB од Гетеборг од вчера ја превзеде „Сархемс“, фирмата на досегашниот основач и управител Саша Ѓаковиќ, која даде најповолна понуда за јавно-приватно партнерство и беше избрана од Владата за формирање платформа за хеликоптерски итен медицински систем и хеликоптерски услуги за пребарување и спасување во Македонија.
Во наредниот период се очекува да биде потпишан договорот со Владата, а обврска на приватниот партнер е во рок од 6 месеци да изгради 8 сертифицирани хелиодроми во 8 града во Македонија. Се очекува компанијата да ги финансира своите активности преку осигурувањето иако се уште не е јасно дали 9-те милиони евра ќе изнесуваат нејзините трошоци, или пак приходите на годишно ниво, бидејќи во јавниот повик ја пишува само сумата.
Договорот треба да биде потпишан на осум години, а претходно, на почетокот од месецов од Владата беше појаснето дека државата нема да потроши ниту денар и дека двата хеликоптери и опремата ќе останат во земјата штом истиот ќе истече. Хеликоптерите и персоналот најмногу за 15 минути треба да бидат на местото каде што треба да биде извршена интервенцијата.
„Сархемс“ заради учество на јавниот повик во Македонија беше регистрирана од извесниот Саша Ѓаковиќ, кој е дел од управувачкиот борд на SHC Swedish Helicopter Consortium AB